Luis Gimeno levou o galardón na área de ecoloxía e biodiversidade
29 novs 2018 . Actualizado ás 16:20 h.O ourensán Luis Gimeno-Sotelo, estudante do terceiro curso do grao de Matemáticas na Universidade de Santiago de Compostela e exalumno do IES As Lagoas de Ourense, obtivo o premio especial ao mellor traballo de investigación na área de ecoloxía e biodiversidade dos galardóns Arquímedes, concedidos polo Ministerio de Ciencia, Innovación e Universidades, que premian os mellores traballos de investigación de España. Esta é a primeira vez nos 17 anos destas distincións na que é recoñecido un proxecto tutorizado por dous profesores da Universidade de Vigo, Raquel Neto e Luis Gimeno.