A policía vincula a recuperación dun móbil con outros sete roubos no verán en Oira
OURENSE CIDADE
A actuación policial permitiu achar en tres meses un teléfono cuxa desaparición denunciou a dona con cinco meses de atraso
27 mares 2018 . Actualizado ás 05:00 h.Tardou a policía menos tempo en localizar un teléfono móbil roubado, que o transcorrido entre a data da subtracción e a formalización da denuncia na comisaría de Ourense pola desaparición de dous terminais nas piscinas de Oira. A investigación policía, iniciada a partir da información ofrecida pola prexudicada o pasado 19 de decembro, conduciu a unha muller de orixe romanesa, de 35 anos, sen antecedentes. Tiña no seu poder un dos dous teléfonos subtraídos á denunciante o 24 de xullo. Estaba coas súas fillas e deixáronlle as toallas. O resto das súas pertenzas desapareceron, incluídos os dous teléfonos Samsung valorados en mil euros.
Ao ter a policía coñecemento de sete furtos de móbiles na zona, entre xuño e xullo do 2017, investígase agora a posible conexión da detida con máis feitos.