As competicións desde benxamíns ata sénior abren a campaña nunha das modalidades clásicas do atletismo
01 dic 2018 . Actualizado ás 05:00 h.Unha das tradicións do atletismo ourensán está fixada no municipio de Pereiro de Aguiar, con vinte e tres anos de historia do Cros Guillelme Brown, que dará comezo esta mañá (10.30 horas).
A arraigada convocatoria que une a alumnos, pais, profesores e afeccionados en xeral que se desexan participar Comeza polas categorías cadete sub 16 e as xuvenís sub 18 femininas, que compartirán o trazado das tres voltas ao circuíto, completando algo máis de 2.500 metros. De quince en quince minutos iranse sucedendo o resto de saídas previstas, incluídas as dos nenos máis pequenos, que percorrerán 840 metros nunha única volta.
O colofón está pactado para as 12.45 horas, coa partida da carreira absoluta, que se desenvolverá ao longo de cinco voltas, ata cubrir unha distancia de 4.200 metros, cos atletas nado nos anos 2001 e anteriores. A entrega de trofeos poralle a guinda á xornada desde as 13.30 horas.