Carnes, embutidos, pan ou bicas poderán comprarse na web da marca irixense
25 novs 2020 . Actualizado ás 05:00 h.O Concello do Irixo acaba de pór en marcha unha páxina web na que ademais de promocionar alimentos e elaboracións producidos na zona, tamén os venderá. Este espazo forma parte do proxecto multisectorial Marca O Irixo, que busca pór en valor ás empresas do rural e aos seus produtos. Na tenda pódense obter carnes, embutidos, distintos tipos de pans, empanadas, pezas de repostería, lácteos e ata xabóns realizados de forma artesanal. Trátase dun espazo que abre a porta aos envíos a toda España en menos de 24 horas. Nos próximos días incorporaranse á web dúas novas empresas que presentarán obxectos personalizados con distintas paisaxes das terras do Irixo como paraugas, cuncas ou camisetas.
Son varias as colaboracións que xurdiron ao redor deste proxecto, a primeira en asinarse é con destilerías Miño (Paniagua), que obsequiará aos compradores cunha degustación do seu vermú Povarelo.