A Deputación axudará á Asociación de Pulpeiros do Carballiño a potenciar a súa actividade

O presidente da Deputación ourensá, José Manuel Baltar, recibiu este luns no seu despacho a unha representación da Asociación de Pulpeiros do Carballiño. Estiveron alí o seu presidente, Roberto Pereira, e outros dous membros da directiva, Suso Pereira e María Lage. Baltar comprometeuse ante eles a colaborar coa entidade para potenciar o polbo, ao que definiu como «unha marca da provincia de Ourense».

 «O produto e o xeito de cociñalo e preparalo por parte dos polbeiros son un sinal de identidade do noso pobo; de aí que a Deputación de Ourense se amose favorable a coñecer o plan de acción da asociación e a cooperar no desenvolvemento das actividades que o integran», engadiu o presidente provincial.

---

---

---