1.500 veciños do Barco de entre 16 e 35 anos serán citados a un cribado o mércores
O Barco de Valdeorras
A proba será por test de antígenos, así que os resultados se coñecerán en quince minutos
09 jul 2021 . Actualizado ás 13:33 h.O brote xurdido no lecer nocturno no Barco de Valdeorras segue crecendo. Hoxe son 31 os casos activos de coronavirus na localidade, o que levou ao Sergas a convocar un cribado aleatorio en procura de positivos asintomáticos. Será o mércores 14 de xullo, de 15.30 a 20.00 horas, no pavillón de Calabagueiros. Citarase por SMS a 1.500 veciños de entre 16 e 35 anos, a franxa de idade que aglutina a maioría dos positivos.
A proba elixida neste cribado é un test de antígenos, polo que os asistentes terán o resultado en apenas quince minutos. Ademais, recibirán un SMS posterior que acredite que deron negativo (se é o caso).
No resto da comarca, hai un caso na Rúa de Valdeorras, 3 en Rubiá, 1 na Veiga e 1 en Vilamartín de Valdeorras.