Os traballos está previsto que se executen en oito meses
04 ago 2021 . Actualizado ás 05:00 h.O parque acuático de Monterrei (Pereiro de Aguiar) vai queimando etapas administrativas. A mesa de contratación da primeira fase do proxecto ordenou as ofertas presentadas e situou en primeiro lugar á firma ourensá Proyecon, que superou de acordo ao baremo de contratación a Contratas Vilor e Construtora San José. Os traballos, que se prevé que estean executados o próximo verán nesta primeira fase, contan cun orzamento de 4,7 millóns de euros e quedan agora á espera de que se formalice a adxudicación das obras. Nesta primeira intervención está previsto derruir as pistas de tenis situadas nas inmediacións das actuais piscinas para construír os primeiros tobogáns e espazos de auga lúdicos. A empresa gañadora ofertou unha rebaixa de dous meses (de 10 a 8) na execución dos traballos.