O deputado Juan Carlos Francisco Rivera asegura: «Case 5 anos despois do primeiro anuncio, só foron executados pouco máis da décima parte dos 10 millóns de euros anunciados»
02 abr 2021 . Actualizado ás 05:00 h.Os deputados Juan Carlos Francisco Rivera e Carmen Rodríguez Dacosta critican «a improvisación e ou atraso» na construción do Parque Acuático de Monterrei despois de que o presidente da Xunta recoñecese que non contará co proxecto construtivo das instalacións acuáticas «prometidas por el mesmo» ata o mes de maio. «Case 5 anos despois do primeiro anuncio, só foron executados pouco máis da décima parte dos 10 millóns de euros que a Xunta de Galicia e a Deputación de Ourense levan anunciando anos que investirán neste complexo de Monterrei», censurou o socialista Juan Carlos Francisco Rivera. A pesar disto, afirmou, o presidente da Xunta participou o pasado 22 de marzo, na inauguración dun espazo que non está finalizado, onde asegurou que o proxecto das instalacións acuáticas «se executará en fases sucesivas non concretadas».