O COB concentrouse na estación de montaña durante aquela pretemporada
31 jul 2021 . Actualizado ás 11:39 h.Nos anos 80 a estación de montaña de Cabeza de Manzaneda xa servía de refuxio a clubs deportivos, que buscaban no municipio ourensán a paz e a calma que non lles ofrecía a capital. En xullo de 1987 o COB -o Caixa Ourense por aquel entón- pasou aquí parte da súa pretemporada. A concentración aproveitaba aqueles días para realizar diferentes tipos de exercicios e, sobre todo, para conxurarse como grupo humano de cara á disputa do seguinte curso deportivo. Do persoal que acudiu a Manzaneda -unha na cal moitos xogadores procedían do Menfis Manresa- só dous homes repetían tempada co conxunto ourensán: Toño García e Fran Crujeiras. Sorpresa ou non para os lectores da época, La Voz exhibía nas súas páxinas as dificultades deste último para durmir: «Crujeiras necesita dúas camas para dar repouso aos seus 2,04 metros de estatura». A hoxe preparada estación de montaña non contaba entón con mobiliario adaptado ás dimensións que poden e podían ofrecer os equipos de baloncesto. De todos os xeitos, máis que o descanso, naqueles días o que se buscaba era que os xogadores fixesen faragullas. Así o confirmaba o míster naquel 1987, Pirulo: «É unha convivencia de xente que non nos coñeciamos. En Ourense fose máis dificil».