O home, de 69 anos, era veciño da localidade de Santirso, onde se produciu o accidente
04 ago 2021 . Actualizado ás 19:45 h.Un veciño da localidade de Santirso, no Concello de Maceda, resultou morto tras sufrir un accidente co tractor que conducía. José Carnero, de 69 anos, quedou atrapado baixo o vehículo, tras producirse un envorco. A pesar dos recursos mobilizados, entre eles un helicóptero medicalizado para proceder ao seu traslado a un centro sanitario, nada se puido facer por salvar a súa vida. Ata o lugar desprazáronse os bombeiros do parque de San Cibrao; efectivos da Garda Civil e de Protección Civil de Maceda, ademais de mobilizarse ao GES do Pereiro de Aguiar.