O lume apagouse en menos dunha hora e só afectou a 0,2 hectáreas de monte raso
22 mares 2021 . Actualizado ás 21:01 h.A Consellería de Medio Rural dá por extinguido, desde as 20.16 horas, un conato de incendio que se declarou na parroquia da Fraga, en Lobeira, en zona incluída dentro do parque natural Baixa Limia-Serra do Xurés.
A alarma do incendio saltou ás 19.33 horas. Estímase que se afectou unha superficie de 0.2 hectáreas de monte raso.
Un axente, unha motobomba e dúas brigadas traballaron para controlar este lume.
Nos últimos días, de tempo seco, son varios os incendios - en xeral de escasa entidade- que están sufrindo os montes ourensáns. Este luns houbo focos en Maus de Salas, no municipio de Muíños, e no sur de Lugo.