Os operarios traballaron durante toda a tarde do domingo para intentar reabrir a instalación este luns, aínda que non se daba isto por seguro
11 ene 2021 . Actualizado ás 05:00 h.O rebentón dunha tubaxe a causa do xeo provocou este domingo serias inundacións no centro de saúde da localidade de Cualedro. O persoal de mantemento da área sanitaria estivo a traballar durante toda a tarde para intentar restablecer a complicada situación e coordinar as actuacións necesarias, co obxectivo de que o centro puidese reabrir as súas portas ao público este luns.
Iso si, durante a tarde do domingo estábase tamén avisando ao persoal que presta servizos diariamente neste centro de saúde para ofrecer asistencia aos pacientes, mesmo desde outros ambulatorios da comarca ou de forma telefónica, para o caso de que finalmente non se puidese abrir o centro aos pacientes como estaba previsto.