En Riós ou Xinzo tamén amenceron baixo cero na noite de Reis
06 ene 2020 . Actualizado ás 19:37 h.O municipio ourensán de Calvos de Randín volveu a marcar, nesta día de Reis, a temperatura mínima de toda Galicia. A estación de Meteogalicia rexistrou unha temperatura de -7.4º centígrados ás 9.30 horas. En Riós ou Xinzo tamén tiveron unha fría noite de Reis, e amenceron a -4 graos en ambos os casos. O dato refírese a estacións situadas a menos de 900 metros de altitude. No caso das que superan este parámetro, as mínimas foron máis altas. No Invernadeiro rexistráronse esta mañá 1.8º centígrados ás 8.10 horas. En lugares altos como Corzos (A Veiga), Alto do Rodicio ou San Xoán de Río, as mínimas foron positivas, de 0 a +2.1 graos. En puntos do concello da Veiga rexistráronse as máximas galegas en lugares situados a máis de 900 metros, con máis de doce graos en Corzos ou Xares.