Acudiron a facerse a proba 1.484 persoas, o que supón o 49 % dos convocados
15 jul 2021 . Actualizado ás 21:16 h.O cribado masivo celebrado esta tarde no pavillón Paco Paz de Ourense destapou 51 casos positivos de coronavirus . O Sergas organizou a proba masiva despois de que nunha cita similar o pasado sábado detectásense 40 novos infectados. Hoxe eran 3.000 os veciños de Ourense e Barbadás convocados, aínda que finalmente só acudiron 1.484, o que supón unha participación do 49,5%, sete puntos máis alta que a rexistrada no cribado de onte no Barco de Valdeorras. Aínda así, significa que a metade non acudiron. Desde a xerencia da área sanitaria insisten na importancia de acudir ás probas masivas, porque se buscan posibles casos entre xente que está aparentemente sa, pero que ao estar contaxiada e manter a súa vida normal, contribúe a seguir expandindo o virus.
Mañá está previsto un novo cribado, con outras 3.000 persoas de entre 16 e 35 anos citadas.