Visitas guiadas en Allariz e teatralizadas en Vilamarín

La Voz OURENSE

ALLARIZ

Santi M. Amil

A actividade, que percorrerá a zona vella allaricense, será cada sábado de agosto pola mañá

01 ago 2020 . Actualizado ás 05:00 h.

A Concellería de Turismo de Allariz puxo en marcha unha iniciativa coa que busca pór en valor o municipio e achegalo a todos aqueles que queiran coñecelo. Faino a través de visitas guiadas polo centro histórico, que serán todos os sábados de agosto ás 11.30 horas, desde a oficina de turismo. A actividade, dunha hora aproximada de duración, ten unha capacidade máxima de 20 persoas. Nas visitas percorrerase tamén parte do río Arnoia e descubriranse os monumentos e paisaxes máis representativas do municipio allaricense. O prezo xeral da actividade é de 6 euros.

Teatro no Pazo

Doutra banda, o Concello de Vilamarín organiza unha ruta teatralizada polo pazo. Será ás 22.00 horas. Reservas no 617 55 79 61.