Este é a viaxe das súas vidas

Eva Abal é unha enxeñeira en Telecomunicacións da Rúa de Valdeorras que no 2012 decidiu empezar a escribir nun blogue sobre o que máis lle gusta: viaxar. Desde os inicios dunha idea, unha viaxe -así se chama a súa web- ata hoxe tivo que investir constancia, cariño e esforzo admite Eva. Valeu a pena pois parece que asoma a recompensa a todo iso. «Teño unhas 100.000 lecturas mensuais no blogue e agora podo dedicarme exclusivamente a el», afirma especialmente ilusionada. E non é para menos: Eva é a única ourensá nomeada aos premios IATI, que recoñecen a excelencia na comunicación dixital de viaxes. No seu caso, trátase dunha situación un pouco máis especial do habitual, pois o seu proxecto compite na categoría de Mellor blogue revelación e faino contra o da súa parella, o madrileño Dani Keral, fundador dunha viaxe creativa. «Foi unha sorpresa enorme. É a primeira vez que o meu blogue opta a un premio e xusto fágoo xunto a Dani. Estou moi contenta de estar entre as finalistas porque chegar ata aquí para min xa é un recoñecemento ao meu traballo», explica. Sin duda, teñen dobre posibilidade de levar o premio á súa casa, en Santiago de Compostela, aínda que como é de agardar non pasen moito tempo nela. «Agora viaxamos xuntos, claro. Compartimos paixón e profesión, ambos entendemos as viaxes como unha fonte de coñecemento en primeira persoa. Ver as cousas cos teus propios ollos, descubrir o modo de vida doutras sociedades e penetrarse nas súas culturas e na súa natureza, é unha forma pura de saber», di Eva. Os dous teñen moitas ganas de que chegue a gala de entrega de premios, este venres en Madrid: «Hai moita sinerxía entre todos os que participamos, tanto por redes como por blogues. É moi bonito desvirtualizarnos e pórnos cara». No 2020 planean irse a Armenia, Acerbaixán, Grecia ou Israel, entre outros destinos, pero sempre con escapadas habituais á terra de Eva, A Rúa.

---

---

---