«Había moitas ganas; a vida roubounos un entroido e medio», explican desde a comisión que organiza a cita que arrincou co domingo fareleiro
29 ene 2023 . Actualizado ás 22:23 h.Móbiles envoltos en plástico, lentes de mergullo, chapeus, abrigos vellos ou botas de choiva. Calquera precaución era pouca este domingo en Xinzo de Limia para poder gozar sen levar a fariña amais do domingo fareleiro. E é que a festa do ciclo de entroido máis longo da provincia de Ourense xa está en marcha. Desde primeira hora da mañá foron moitos os que se entregaron á farelada, que colleu forza case institucional ás cinco da tarde, hora á que convocou a comisión do entroido aos devotos do entroido para dar renda solta á festa. Foron 400 quilos de fariña para tinguir de branco a Praza Maior de Xinzo.
O sol acompañou á festa e o frío por aquel entón xa non se notaba no corpo dos máis carnavaleros. «Pese ao frío a xente tiña moitas ganas de festa e de entroido. Hai que ter en conta que a vida roubounos un entroido e medio. Iste ano por fin imos podelo desfrutar sen restriccións», explicou Adriana Jiménez, presidenta dá a comisión do entroido.
Aínda que o domingo fareleiro foi o máis vistoso do entroido de Xinzo esta fin de semana á luz do día, o certo é que o entroido nun dos vértices do triángulo máxico comezara unas cantas horas antes. A medianoite e cunha protocolaria conta atrás, centos de persoas daban a benvida ao entroido no Petardazo cando o reloxo que realiza a conta atrás para o entroido chegaba a cero. Foi na praza Carlos Casares nun acto que contou coa actuación da Gramola Tour Truck. PO
Polas rúas tampouco faltou a animación musical de Xituma Batuke e Festicultores. «A praza estaba ata a bandeira no Petardazo e a noite foi moi ben, sen incidencias», sinalou a presidenta da comisión.
Superado a primeira fin de semana festiva, en Xinzo xa se preparan para colgar o Meco, o vindeiro sábado. O domingo chegará a quenda do oleiro. Despois virá o corredoiro e a mediados de mes, os días grandes dunha celebración que regresa con forza.
O entroido tamén asomou esta fin de semana noutros recunchos da provincia. En Laza , os foliones quentaron o ambiente, mentres que en Maceda os felos deixaron ver por primeira vez os seus traxes.
