Trinta empregados da zona comercial situada na Valenzá aprenderon sobre manexo de extintores e bocas de incendio
17 oct 2021 . Actualizado ás 05:00 h.Membros de Protección Civil de Barbadás realizaron esta semana unha formación para os traballadores de Carrefour. A actividade tiña como obxectivo que os empregados da zona comercial aprendesen como actuar en condicións de seguridade ante un posible lume nas instalacións. Ensináronlles o manexo dos extintores e tamén das mangueiras das bocas de incendio equipadas. O curso contou cunha parte teórica e unha práctica que se desenvolveu no patio de carga e descarga do supermercado. Participaron trinta traballadores de Carrefour.