O IES de Vilamarín participa con dous proxectos nos FP Innova do 2022
09 may 2021 . Actualizado ás 05:00 h.A Cidade da Cultura de Galicia albergará, dentro dun ano, a edición 2022 das xornadas FP Innova, unha iniciativa da Xunta que outorga unha dotación económica a aqueles centros de formación profesional que decidan realizar proxectos nos que se faga gala de experimentación, investigación e emprendimiento.
Nos próximos 12 meses, as escolas cuxas iniciativas foron elixidas terán que preparar os seus traballos para presentalos no Gaiás. O IES de Vilamarín será unha delas, e ademais, por partida dobre. Farao con dous proxectos que, ademais de centro, comparten a motivación de pór en valor o rico legado histórico da zona. Isabel Sánchez e Rocío Pérez son as docentes que impulsaron «Lupo 1481, un viño aromatizado feito por nós» e «Xabóns en Terra de Menciñeiros».
O primeiro, leva o alcume e ano de regencia de «Lopo», cuxo nome real era Luis, señor e conde do Pazo de Vilamarín, edificación que se sitúa a uns cen metros do instituto e que ademais lle outorga o nome ao centro. O cambio de «Lopo» a «Lupo» veu pola existencia no pasado de lobos -canis lupus- na zona. O proxecto xorde no grao medio en Servizos de Restauración, coa motivación de unificar a maior cantidade de departamentos dentro do instituto. A idea partiu da existencia de viñas no centro. No seu mesmo recinto, o IES de Vilamarín conta cunha extensión na cal hai plantadas varias clases de uva -desde albariño ata godello- e coas cales traballan os alumnos do grao en . Xardinería e FloraríaAgregando o feito de que nos módulos se toca moito a realización de destilados, chegouse á conclusión de que elaborar un viño era perfecto. «Interesábanos que servise para tratar tamén temas de turismo e dinamización da zona», apunta Isabel Sánchez.
Deste xeito, ademais de salientar a economía circular, o proxecto busca servirse da tradición para crear algo novo. «Será un produto aromatizado só con herbas que poidamos REVISAR colleitar na zona», subliña. O IES de Vilamarín conta cun acordo co Concello de Cea para poder entrar en contacto co Mosteiro de Oseira e acceder a información sobre as súas boticas e mesturas centenarias. «Non pretendemos facer un eucaliptine, pero si aproveitar receitas antigas», explica.
Aínda que a iniciativa se cingue agora á elaboración deste viño aromatizado, o «Lupo 1841», nos seus inicios tamén incluía actividades que no instituto se expoñen máis a longo prazo, como cultivar eles mesmos as herbas.
O ciclo superior en Xestión de Aloxamentos Turísticos é a titulación da cal xurdiu o outro proxecto, «Xabóns en Terra de Menciñeiros». A iniciativa naceu neste caso dos problemas que atravesa a hostalería, e en concreto o sector hostaleiro, pola pandemia. Baseándose en que a inmensa maioría destes establecementos en Galicia son de tipo familiar, no departamento decidiron elaborar un produto natural. «Algo que permita aforrar en custes e abrir unha liña de negocio paralela ao aloxamento», explica Rocío Pérez. Así, propuxéronse crear un produto de acollida para hoteis, uns amenities concretados en varias liñas de xabóns naturais.
Elaborados a partir de produtos reciclados, como o aceite sobrante das actividades dos ciclos de cociña para xabóns hidratantes, ou os pousos de café da cantina para xabóns exfoliantes, o centro busca que ademais de bos para a pel, estes produtos de hixiene sexan bos para o medio ambiente. E, do mesmo xeito que no caso do viño aromatizado, trátase dunha aposta pola tradición, xa que a parte de elaborarse sobre esas bases, os xabóns terán aromas e propiedades medicinais procedentes de diferentes plantas autóctonas que formarán parte do procesado. O centro tamén se expón outras accións relativas para cursos próximos. «Máis adiante faremos nós mesmos os aceites esenciais», apunta Rocío.
En canto á natureza multidisciplinar do proxecto, a docente explica que no centro están a funcionar coma se fosen unha empresa: «Cada módulo é como un departamento». E mesmo participarán outros institutos como o instituto Antón Losada, da Estrada, que construirá caixas de madeira para os xabóns e un expositor para a mostra que se celebrará en maio do 2022.