O centro celebrou este mércores o Día do Deporte na Rúa
30 abr 2021 . Actualizado ás 15:06 h.O IES Otero Pedrayo fíxose eco deste 28 de abril, Día do Deporte na Rúa, instando os seus alumnos a practicar varios tipos de actividade física no Xardín do Posío.
Os escolares baixaron ao xardín e aproveitaron esta ampla zona da cidade para establecer varias zonas, asignándolle unha disciplina a cada unha. Houbo deportes, aínda que os alumnos escaparon dos máis coñecidos e practicados para dar paso a outros máis ben alternativos, como o hockey. E tamén outro tipo de actividades como a realización de coreografías ou os xogos populares.