Concellos como Ribadavia, Celanova e Xinzo de Limia regresarán ao chanzo medio-baixo de medidas
07 abr 2021 . Actualizado ás 12:22 h.Case dúas semanas despois, o municipio ourensán de Beade sairá do chanzo máis severo de restricións pola pandemia de coronavirus . Así o anunciou este martes a Consellería de Sanidade despois de que o comité clínico se reunise pola tarde para determinar que concellos avanzaron ou retrocederon na loita contra o virus durante os últimos días. d
Desde a medianoite do mércores ao xoves (aínda que habitualmente o cambio era en venres, esta semana adiántase a mañá, segundo dixo este mércores o conselleiro de Sanidade, Julio García Comesaña), Beade pasará ao nivel medio de restricións, o mesmo ao que baixarán Cortegada e Padrenda —ata agora, adscritos pola Xunta ao nivel alto—, e no que se manterá O Carballiño.
Doutra banda, O Irixo seguirá con restricións de nivel alto, o mesmo baremo que se aplicará en Monterrei , ata agora en nivel medio-baixo. A este último regresan, precisamente, outros municipios como Ribadavia, Celanova, Xinzo de Limia e Vilardevós, que estarán en nivel medio ata o venres.