O guitarrista Samuel Diz interpreta unha peza de Ramón Gutiérrez Parada na casa do autor en Allariz
31 mares 2021 . Actualizado ás 05:00 h.«Músicas inéditas en casas literarias» é un proxecto posto en marcha grazas aos Fondos Culturais Xacobeo 21. Trátase de seis pezas audiovisuais nas que o guitarrista Samuel Diz interpreta músicas do patrimonio galego desde os fogares de sete escritores que poden visitarse mentres se fai o Camiño de Santiago.
Cada vídeo inclúe unha explicación sobre a historia e o proceso de recuperación desa partitura. Entre esas seis hai unha especial para Ourense, a que se gravou en cásaa museo de Vicente Risco, en Allariz. Nela Diz interpreta unha obra do compositor Ramón Gutiérrez Parada. A guitarra empregada para iso é unha réplica do instrumento orixinal de Federico García Lorca. O resultado pode gozarse en Youtube , na canle de Samuel Diz.
Gutiérrez Parada foi un activo músico ourensán do primeiro terzo do século XX, coñecido popularmente no seu momento pola barbería que rexentaba na rúa Santo Domingo, A nova luz. Tal e como explican desde a Fundación Vicente Risco, colaboradora do proxecto: «Este curioso binomio de guitarrista-barbeiro está presente na nosa cultura dende o século XVI, como en «El Quijote» ou «El Barbero de Sevilla», e Gutiérrez Parada é un dos mellores expoñentes dentro da cultura galega».