PSOE, Riada Cidadá e BNG defenderán unha moción conxunta no pleno de mañá
03 mares 2021 . Actualizado ás 05:00 h.O Concello do Barco aprobará mañá unha moción para pedir á Xunta e ao Goberno un novo modelo eólico integral que reserve unha parte do accionariado de cada novo parque para os concellos nos que estea situado, ou para os propietarios dos terreos. É un modelo que xa existe en Dinamarca, remarcou o edil de Riada Cidadá, Félix García, na presentación da moción conxunta que defenderán PSOE, BNG e Riada. O PP tamén formou parte do seu debate, pero finalmente non quixo asumila, asegurou o portavoz socialista, Tino Alonso. Piden tamén un canon eólico, e que as compensacións sexan por potencia, non por aeroxerador instalado. Ademais, piden que sexa obrigatorio que cada parque conten cun plan industrial para a zona onde se asente, así como establecer contratos tipo cos donos dos terreos, con mediación da Xunta.