Os casos asociados a centros educativos caen notablemente, xa por baixo do centenar, con catro aulas pechadas
23 feb 2021 . Actualizado ás 18:15 h.Descenden unha xornada máis os casos de covid-19 adscritos polas consellerías de Educación e Política Social aos centros educativos da provincia de Ourense. Actualmente contabilízanse 77 infectados, con catro aulas pechadas entre o CEIP Roberto Blanco Torres (A Peroxa), o CEIP Xoaquín Lourenzo Xocas (Bande), a Escola Infantil do Pereiro de Aguiar e a Escola Infantil Pequechiños (Ourense cidade).
Na lista dos recintos afectados entra o IES San Mamede, de Maceda, ao que se asocia un caso. Este venres, o Sergas executará un cribado no municipio, ao que se prevé citar a uns 800 veciños. Ademais, tamén reaparece o CEIP Miraflores, do Pereiro de Aguiar, cun infectado.
A outra cara da moeda móstrana ata doce centros educativos de distintos puntos da provincia, que quedan libres da epidemia polo momento. Son os seguintes: o CEIP San Marcos (Cartelle); o CEIP O Castiñeiro (Laza); o IES Nº 1 (O Carballiño); o CRA de Monterrei ; os CPR Concepción Arenal, Santa Teresa de Jesús, Divina Pastora e Universidade Laboral (todos eles en Ourense cidade); o IES O Ribeiro (Ribadavia); o CEIP Amaro Refojo e o IES García Barbón (Verín); e o CEIP Carlos Casares (Xinzo de Limia).