A conselleira de Infraestrutura, Ethel Vázquez, manterá un encontro con empresarios ourensáns
13 ene 2021 . Actualizado ás 05:00 h.A conselleira de Infraestruturas e Mobilidade, Ethel Vázquez, reúnese hoxe coa comisión de infraestruturas da CEO. O obxectivo deste encontro, segundo indicaron fontes empresariais, é o de repasar a situación en que se atopan obras vitais para o desenvolvemento da provincia. Ao encontro está prevista a asistencia da presidenta da CEO, Marisol Nóvoa, e representantes empresariais de Valdeorras, Barreiros ou San Cibrao das Viñas. Tamén acudirá Santiago Ferreiro, presidente de ACO.