A entidade non ve mal o traslado pero advirte que necesita moito espazo
21 ene 2020 . Actualizado ás 05:00 h.A través da súa conta na rede social Twitter. Así anunciou Gonzalo Pérez Jácome, alcalde de Ourense, o seu proxecto para trasladar a sede da UNED (Universidade Nacional de Educación a Distancia) desde as torres do Pino ao centro urbano. O rexedor propón, concretamente, que se sitúe no antigo cárcere da rúa Progreso, que leva anos en estado de abandono.
«Estréitase o cerco para o mellor aproveitamento do antigo cárcere de Ourense na rúa Progreso. O alcalde podería licitar a súa reforma este mesmo trimestre para albergar a sede en Ourense da UNED», di o alcalde, falando de si mesmo en terceira persoa. O director desa entidade educativa en Ourense, Jesús Manuel García, indicou que a proposta será estudada cando se presente formalmente. En todo caso, en principio a idea parécelle «moi positiva». Haberá que comprobar, de todos os xeitos,, se o vello cárcere pode atender as necesidades de espazo da UNED: salón de actos, aulas (agora ten 15), despachos, laboratorios, biblioteca «e, sobre todo, aparcadoiro porque temos moitos estudantes doutros puntos da provincia e mesmo doutras provincias».