A Cruz Vermella puña en marcha o servizo para axudar ás persoas que vivían soas
07 dic 2019 . Actualizado ás 19:36 h.Uns corenta anciáns benefícianse da teleasistencia a domicilio de Cruz Vermella. Un medallón que levan colgado ao pescozo, un teléfono «mans libres» e un computador con todos os datos da persoa permiten a esta organización estar en contacto cos anciáns. Con só apertar o botón do medallón o computador de Cruz Vermella recibe a chamada e o ancián pode pedir axuda en caso de necesitala. Os beneficiarios reciben visitas periódicas dos voluntarios para ver como se atopan, ou se precisan algo, e a Cruz Vermella chámalles polo menos dúas veces ao mes. A asociación instalou este servizo en 1989, e desde o pasado ano está en funcionamento en Ourense. O coordinador do programa, José Manuel Gómez, recoñece que a teleasistencia «quita moita angustia tanto a eles como a familia, que ás veces non pode quedar en casa por se ocorre algo». Un dos sanitarios de Cruz Vermella incide en que «estas persoas se atopan moi soas e teñen medo a que lles pase algo.