Marvic Sport restaura o vehículo fetiche de Estanislao Reverter
20 novs 2019 . Actualizado ás 05:00 h.A Fundación Estanislao Reverter garda o legado dun dos pioneiros do automobilismo deportivo ourensán e o seu proxecto estelar é a recuperación do mítico Alpinche.
O vehículo que utilizou Lalao nalgunhas das súas máis épicas batallas deportivas está a ser remodelado en Marvic Sport e os traballos acadan a súa fase final. En concreto, a pintura recuperou o laranxa Ourense, con que Reverter pintou os seus vehículos e os de Escuadra Ourense desde 1969 ata 1976. A clave para acertar coa cor exacta estaba baixo a matrícula traseira, onde se mantivo inalterable.
