Superou por 2-0 ao Deportivo na final do Seixo
24 ago 2019 . Actualizado ás 22:36 h.O Real Madrid proclamouse vencedor da undécima edición do torneo de fútbol xuvenil Memorial Manolo Arnoya, disputado no campo do Seixo, e organizado pola SCD Santa Cruz de Arrabaldo. O equipo adestrado por Juan Poyatos gañou na final ao Deportivo por 2-0 con dous tantos anotados en senllos penaltis.
Pola mañá, o conxunto branco conseguira o pase á final despois de superar ao CD Lugo por 2-0. No outro encontro matinal, o Deportivo fíxose coa outra praza de finalista gañando por 1-3 ao Calasanz.
O partido polo terceiro e cuarto postos saldouse cun resultado de empate a dous tantos entre o Calasanz e o Lugo e finalmente foi o conxunto lucense o que se fixo co terceiro posto nos penaltis.
Esta fase final do memorial Manolo Arnoya foi seguido por numeroso público no campo do Seixo, a pesar da intensa calor que reinaba onte en Ourense. O Real Madrid xa gañara o torneo ourensán fai catro edicións.