Preto de 10.000 visitantes presenciaron as competicións
22 ago 2019 . Actualizado ás 05:00 h.La Voz contaba nunha crónica hai vinte e cinco anos o bo resultado obtido en Maside co seu Festa do Cabalo, en concreto a súa sétima edición. «O número de cabalos participantes creceu con respecto á edición anterior, xa que nesta ocasión foron preto de 150 os que se presentaron en Maside desde primeiras horas da mañá. A convocatoria da Asociación Amigos do Cabalo levou ao Puzo do Lago exemplares de diferentes razas, desde os puro sangue ata os percherones, pasando polos cabalos do país, que tiveron a súa competición particular. A partir do mediodía animouse o recinto natural, mentres os xinetes quentaban cos cabalos. Eguas con crías e andaina foron as dúas primeiras competicións matinais. A tarde contou co prato forte, as carreiras de velocidade divididas segundo a raza do exemplar», publicaba este medio en 1994. Naquel momento a procedencia dos cabalos era galega e máis de 10.000 visitantes acudiron ao evento.