Os compromisarios recibirán detalles sobre as propostas para cambiar o modelo do club
26 jun 2019 . Actualizado ás 08:00 h.Os reitores da UD Ourense optaron ao fin por celebrar unha asemblea informativa, na que comunicarán directamente aos socios con dereito a voto os detalles dos pasos seguidos nas últimas semanas e o futuro que lle agarda ao club, tendo en conta as súas opcións para substituír á directiva saínte.
A convocatoria está fixada para a xornada de mañá, a partir das 20.15 horas, no local habitual da Casa de Chocolate. Serán exclusivamente os socios quen poidan acceder ao recinto, polo que no seo do club confían en contar con outra boa afluencia de público, pola importancia do tema.