A estruturas de madeira arderon en dous minutos. Apenas 120 segundos que converteron en cinzas uno das iconas de Ourense
24 abr 2019 . Actualizado ás 20:01 h.«Non houbo marxe de manobra». Dous minutos en chamas acabaron cun dos principais reclamos de Ourense. Os bombeiros, que teñen a súa base a pouco máis de 400 metros, non puideron chegar a tempo para salvar un das iconas da cidade. O lume devorou por completo as termas de A Chavasqueira, esas nas que todo o que pasase a cidade debía bañarse polo menos unha vez na vida. Agora, só queda cinza. E un panorama desolador.
Comproba ti mesmo o resultado do incendio movendo o cursor sobre as fotos para comparar como era e como quedou A Chavasqueira.
«Cando chegamos aquilo xa era unha bóla de lume» relatou un dos axentes que se desprazou de madrugada ata as termas. O incendio iniciouse á unha e media da madrugada e nese momento había traballando un operario de mantemento, que estaba a traballar para pór ao día os filtros.
Os Bombeiros de Ourense prohibiron entrar nas instalacións polo «perigo de derrumbe». «Agora mesmo a estrutura corre perigo de derrumbe, porque está chovendo», explicaba o rexedor ourensán.
Inspirada no modelo xaponés de balneario ao aire libre, A Chavasqueira atraeu ao público desde o principio tanto pola contorna natural privilexiada onde estaba situada -nun dos margenes do río Miño, a escasos 10 minutos do centro da cidade
