Teñen programados controis en tramos de especial risco
19 abr 2019 . Actualizado ás 10:55 h.O Subsector de Tráfico da Garda Civil de Ourense velará para que os desprazamentos por estrada que se realicen a próxima Semana Santa sexan o máis fluídos e seguros posibles, co obxectivo de seguir reducindo a accidentalidade. Coordinarase cos das súas provincias limítrofes, así como cos centros de xestión de tráfico (CXT) da DXT, pondo en marcha todos os medios humanos e materiais que teñen á súa disposición para o dispositivo especial de regulación e vixilancia do tráfico por estrada co gallo de os desprazamentos que se realizan en Semana Santa e co obxectivo de garantir a seguridade dos condutores que utilizan as principais vías de acceso a Galicia e norte de Portugal.
En canto aos controis de velocidade, téñense programados controis en tramos de especial risco, en múltiples emprazamentos das principais rutas da nosa provincia A-52, A-75, AG-53, N-120 e N-525 por ser as que contan con maior volume de tráfico estes días. Sen que por iso se diminúa a vixilancia de vías secundarias, que son as máis utilizadas nos días centrais da Semana Santa, empregadas para acudir a puntos próximos de lecer e diversión.