A Audiencia de Ourense declárase incompetente para xulgar unha trama de estafa a aseguradoras a partir de falsos partes de accidentes
OURENSE
A causa volve ao xulgado de Trives desde onde será remitida ao do Penal
17 sep 2018 . Actualizado ás 19:47 h.Dez persoas, con distintos graos de responsabilidade, comparten banco na Audiencia de Ourense, nun caso de Estafa, simulación de delito, falsificación en documento mercantil e receptación que afecta a feitos do 2008 a 2010.
A sala, presidida polo maxistrado Antonio Piña, expuxo ás partes se era competente para xulgar este asunto. Ao ter ocorrido algúns feitos fóra de Ourense, podería ser competencia da Audiencia Nacional. Ou quedar nun xogado do penal, como parece ser que ocorrería, pois a petición de condena será en todos os casos inferior por delito a seis anos de prisión, aínda no caso do acusado principal.
Fiscal e acusacións particulares opuxéronse á petición, pero a sala decidiu dar un paso atrás.O caso, instruído polo xulgado de Trives, céntrase nunha suposta trama de estafa a compañas de seguros coa xestión de partes de accidentes inexistentes. Para o éxito das manobras resultaba fundamental o papel de Santos A.G., propietario dun taller de compravenda e reparación de vehículos na Valenzá.
Os sospeitosos obtiveron en varias ocasiones indemnizacións por sinistro total do coche e, noutras, pola súa reparación. A fiscalía solicita condenas de prisión de entre cinco meses e trece anos de prisión, segundo o diferente grao de responsabilidade que as acusacións atribúen aos imputados.