As iniciativas partiron de Vilar de Santos, de Leiro e da asociación de familiares de enfermos de alzhéimer
15 sep 2018 . Actualizado ás 17:58 h.A Axencia Galega de Desenvolvemento Rural (Agader), dependente da o Consellería de Medio Rural, entregou onte os premios cos que recoñece iniciativas de desenvolvemento rural innovadoras. Tres proxectos ourensáns foron galardoados e recibirán 10.000 euros de financiamento para continuar coa súa actividade. Un deles é Veigas de Sabugueiro, en Vilar de Santos, que elabora produtos como licores, marmelada ou cervexa a base, precisamente, do sabugueiro. Ademais, foi recoñecido o traballo da Cooperativa Levinred, de Leiro, que desenvolveu unha marca de cosmética natural cuxo elemento principal é o viño artesán. Finalmente, tamén levou premio a Afaor, a asociación de familiares de enfermos de alzhéimer de Ourense, polos seus talleres de estimulación terapéutica e apoio psicolóxico aos coidadores.