Biden e o cosmos virtual
No novo cosmos virtual existen unhas alimañas que observan babeando a aqueles que fallan. Esta semana, o cume da OTAN serviu de comida para estas feras que a xeración Z preferiu denominar haters.
O litixio que alagou Twitter foi unha imaxe da conversación de corredor entre Biden e Sánchez, que se rotuló como ridícula e concisa. O que ninguén agardaba é que un funcionario da Casa Blanca saíse a confirmar que os xefes xa conversaran por separado. Sin duda unha lección que expuxo a madeira de tezo da sociedade. Mentres tanto, a prensa internacional esclarecía as cuestións que si incumbían á poboación, como a sede da próxima asemblea: Madrid. Pero claro, ese dato non alimenta ás sabandijas da web. Rosalía Martínez. Carral.
Vos cartos son para as ocasións
Hai máis dunha década, o binomio Obama-Biden convencía a sociedade estadounidense da necesidade de gastar 800.000 millóns de dólares en rescatar aos causantes da crise financeira de 2008. Naquela ocasión, véndolle as orellas ao lobo, ata os republicanos tragaron. O remedio que agora propoñen Biden e Harris para evitar que a pandemia se necrose nunha recesión económica de proporcións históricas é un spending plan que quintuplica a magnitude daquel rescate. Entendo que cidadáns e políticos conservadores teñan posto o berro no ceo ante a proposta de semellante dispendio, pero non convén esquecer que aquilo que en 2008-2009 tamén parecía unha tolemia deu pé a unha das recuperacións económicas máis fulgurantes que teñamos visto na pasada década. Mesmo o meu aforrador avó ensinábanos que «os cartos son para as ocasións». Manuel Suárez Botana. A Coruña.
O presidente e as súas ideas sobre as máscaras
O presidente do Goberno non dá puntada sen fío. Aproveita calquera físgoa para dar aos catro ventos boas noticias. Só as boas, porque a notificación das malas déixaas para outros ou simplemente non se dan. O caso é que nos acaba de anunciar que desde o día 26 podemos ir sen máscaras no exterior. Pénsase o presidente que esta é unha boa noticia? Creo que se equivoca. É unha manipulación máis fronte aos indultos. A porcentaxe de poboación que xa está inmunizada non chegou a ese 75 % do que tanto nos falaban. Polo menos, faltan os máis novos por inocular, e non son poucos. O virus non desapareceu. Todos os días segue matando a máis de 70 persoas en España. Marisa García. Lugo