Menos «tolerancia cero» e máis responsabilidade
Asisto con rabia e impotencia á aparición doutro caso fatal relacionado co lamentable e estendido acoso escolar e as súas consecuencias (nesta ocasión, nun municipio pertencente á localidade de Ames). Pode que para moitos, a persoa que acaba de falecer hai uns días, a causa do desprezo e a arrogancia duns e da covardía e inacción doutros, non sexa xmáis ca un simple número nas estatísticas. Pero o certo é que se trataba dun ser humano con dereito a vivir, ao que unha vez máis, non se soubo protexer nin axudar a tempo. Cantas mortes máis fan falta para que pais, profesores e alumnos tomen cartas no asunto, colectivamente? E os gobernos? Seguirán a mirar tamén para outro lado? Aqueles que atravesamos experiencias similares, sabemos o que significa sentirse menosprezados e alienados de tal forma. Isto non é ningunha broma; xa non falamos dunha lacra social propia tan só dos EE.UU. ou doutros países afastados. Estas desgrazas perpetuaranse se non se toman xa as medidas necesarias. André Piñeiro González. VIlagarcía de arousa.
Big data, «brother»
600.000 é o número de cámaras de recoñecemento facial que ha implementado o partido comunista chinés en todo o seu territorio para «concienciar» á poboación nun novo «proxecto a favor da harmonía social». Cámaras que seguen cada un dos teus movementos para non perder detalle de que feixes, con quen vas e onde… Visto con certa perspectiva, os habitantes de China convertéronse nuns concursantes televisivos obrigados a ser bos cidadáns, vendendo cada minuto da súa vida aos líderes mediante un sistema de puntuación opresivo que doma e tranquiliza aos débiles. Ninguén pode saírse do sistema, nin dar a súa opinión, o que a de se verá nunha lista negra e privado dos «privilexios» adecuados que os silencien máis, como Internet ou os servizos de mensaxería. Este proxecto empequenece ás poboacións máis minoritarias, como a musulmá, coa escusa de frear o terrorismo islámico. Xa non se trata dun grupo de mozos nunha casa, estamos a falar de 1.300 miles de millóns de cidadáns sendo vítimas do abuso de poder do sistema chinés. Aos meus 16 anos, non me podo crer que isto estea a ocorrer, e penso que non tardará en chegar aos nosos fogares. Imos deixar que se cancele ás persoas con mente libre, que non queren formar parte do rabaño? Permitiriamos formar parte de listas negras por non ser como queren que sexamos?
Xa non somos datos, somos números. Agora somos individuos, nados para ser adestrados. Xa estou farto. E se cambiamos as cousas e… (puntuación baixa, volva intentalo máis tarde). Jordi Muñoz..