Resulta difícil de crer que tras a malleira que un energúmeno propinou a varias mozas nunha zona de copas da Coruña, e cuxo vídeo se viralizou despois de que unha das raparigas gravase o acontecido e publicáseo na súa conta persoal, practicamente ninguén dos alí presentes, que eran moitos, intentase axudar a quen estaban a recibir tan importante agresión. Ata que grao de deshumanización chegamos que quen se atopaban ao redor limitáronse a asistir a semellante barbarie sen inmutarse o máis mínimo? No vídeo pódese observar a numerosas persoas en actitude de que aquilo non ía con eles mentres as mozas recibían patadas e puñadas a torto e a dereito. Só lles faltaba apostar a ver quen resultaría o vencedor. Afortunadamente as mozas actuaron con suma intelixencia. Gravaron o ocorrido e a continuación dirixíronse a denunciar os feitos. Fixeron o que hai que facer nestes casos.
Unha vez detido, que o xuíz lle faga ver que individuos como el onde mellor están é enjaulados. Como as bestas.