Por se había algunha dúbida, están a piques de resolverse todas. Pedro Sánchez, se é necesario, collerá a caixa de caudais de todos os españois, abriraa e baleiraraa o que faga falta para tranquilizar ao independentismo catalán a cambio de que este o manteña na Moncloa. Obviamente, o diñeiro dos Orzamentos que se destinará a ter contentos aos cataláns será á conta doutras comunidades, incluída, por suposto, Galicia. Precisamente, a comunidade autónoma galega ten unha gran experiencia, con Gobernos de diferente pelame, en ser ninguneada e postergada con respecto a outras á hora de repartir os cuartos. Pero ata a data non nos atopamos ante unha situación como a de Sánchez e a súa estratexia de cabrear a España enteira para contentar a un grupo insaciable e, xa que logo, imposible de satisfacer, como é o independentismo catalán.
O mercadeo que se trae Pedro Sánchez cos españois non é moi digno por parte dun presidente, como non o foi no seu momento o trapicheo de Mariano Rajoy co PNV. O agravante no caso do socialista é que está disposto ao que sexa cun colectivo que non só non recoñece a lexitimidade do Estado español, senón que lle desobedece e ataca cunha acritude non xa inxusta, senón inaceptable.
A Sánchez dálle igual que en Galicia teñamos trens do século XIX e que paguemos un dineral nas autoestradas, por non falar da cuestión demográfica e a dispersión poboacional. Só lle importa tranquilizar ao catalán. Unha vergoña para o seu partido, para España e que, sin duda, pasaralle factura en futuras eleccións, como xa lla pasou en Andalucía.
