O chinés, Meng Hongwei, presidente da Interpol desde o 2016, desapareceu o 25 de setembro tras aterrar no seu país nun voo procedente de París. A falta dunha chamada á súa chegada e o envío dunha fotografía dun coitelo polo móbil alertou á súa esposa de que algo lle sucedeu polo que acudiu á policía francesa para denunciar a súa desaparición. Uns días despois, Meng enviou a renuncia ao seu cargo mentres o Goberno chinés confirmaba a súa detención por corrupción. O 2 de outubro, o xornalista saudita, Jamal Khashoggi entraba na sede do consulado de Arabia Saudita en Istambul para obter un certificado de divorcio para casar coa súa prometida turca. Non se soubo nada máis del. As últimas noticias mencionan unha gravación que demostraría que foi asasinado por axentes que viaxaron desde Riad para iso.
O concelleiro venezolano Fernando Albán, detido na sede dos Servizos Bolivarianos de Intelixencia, faleceu o 8 de outubro tras caer dunha fiestra do piso décimo. A explicación de que este edil opositor se suicidou foi rexeitada desde o primeiro momento e parece, polos testemuños de testemuñas non identificadas, que morreu asfixiado mentres lle torturaban cunha bolsa na cabeza.
Se a China nunca lle preocupou respectar as «aparencias» de respecto polos dereitos humanos parece evidente que tanto a Arabia Saudita como a Venezuela se lle han ir das mans os seus interrogatorios. Se estas persoas non tivesen unha profesión tan relevante ninguén se decatou do ocorrido e os seus gobernos terían logrado zafarse sen ningunha pregunta.
Totalitarismo, terror e indefensión van da man.