A rexión logrou unha balanza comercial positiva no 2020 de 4.500 millóns de euros
21 feb 2021 . Actualizado ás 05:00 h.As empresas exportadoras do norte de Portugal están resistindo moito mellor o impacto causado pola pandemia de covid-19 que as do resto do país. Os datos, difundidos pola Asociación Empresarial de Portugal, mostran que a maioría das 16.000 exportadoras do norte luso aguantaron ben durante o último ano, a pesar da pandemia, reinventándose, manténdose grazas ás axudas facilitadas polo executivo de António Costa e aumentando as súas exportacións, nalgúns casos ata un 18%, como ocorreu coas empresas téxtiles que se especializaron en fabricar máscaras e material de protección fronte ao coronavirus. No 2020, o norte luso mantivo un excedente comercial de 4.500 millóns de euros.