As economías cuxos ingresos dependen do cru resúltalles difícil asumir o custo de produción
05 abr 2020 . Actualizado ás 05:00 h.A caída do prezo do petróleo está a pór en xaque ás economías latinoamericanas que teñen unha alta dependencia económica da súa explotación. A referencia en Europa, o barril de brent, caeu ata os 22,58 dólares o luns, o nivel máis baixo desde o 2002, no medio dun colapso da demanda pola crise do coronavirus e pola guerra comercial entre Rusia e Arabia Saudita. Eses baixos prezos afectarán os orzamentos dos países produtores. Colombia, por exemplo, calcula que por cada dez dólares que cae o prezo do petróleo, os seus ingresos fiscais redúcense o equivalente ao 0,4 % do PIB. A cotización do barril de brent caeu 46 dólares no 2020. Aos produtores de América Latina estáselles facendo difícil cubrir os custos de produción.