Recoñecemento facial e robots camareiros para gozar do té chinés. China moderniza a súa milenaria tradición de inxerir esta bebida co desenvolvemento das aplicacións de intelixencia artificial, un sector no que pretende ser punteiro.
O xigante tecnolóxico Baidu asociouse con Laoshe Teahouse, unha famosa casa de té tradicional, para crear a primeira «IA Teahouse». Xuntos revolucionaron o emblemático establecemento de Pequín polo que pasaron máis de 70 xefes de Estado e millóns de turistas. Agora os clientes poden ser atendidos por robots ou experimentar con pantallas de recoñecemento facial e de voz capaces de escribir poemas personalizados tendo en conta os seus trazos. Pódese aprender as diferentes clases de tés e localizar o seu lugar de orixe.