14 abr 2019 . Actualizado ás 05:00 h.
Aínda que son tempos convulsos para a economía alemá, Deutsche Post anunciou a creación de polo menos 5.000 novos postos de traballo a tempo completo este ano, co fin de mellorar a calidade da entrega. Un dos eixos centrais da ampliación será a formación interna e a posterior contratación de 450 condutores de camións. Con iso, o xigante alemán de servizos postais e de paquetería reacciona ante a falta de persoal na industria do transporte, tras o auxe do comercio «en liña». Ademais, Deutsche Post prevé abrir 500 novas sucursais en todo o país así como 1.000 puntos adicionais de recollida. O terceiro alicerce consistirá en desenvolver novos conceptos, como o autoservicio, e aumentar a súa flota de vehículos eléctricos.