A mercancía que levaban outros dous tráileres non puideron chegar polo colapso en Alxeciras
22 jul 2019 . Actualizado ás 17:39 h.Tiñan espazo reservado na lonxa de Cádiz, pero, finalmente, parte quedou baleiro. Só dous dos catro camións co peixe procedente doutros tantos barcos galegos puido chegar a tempo á poxa desta mañá. Os outros dous non conseguiron atravesar a tempo os controis no punto de inspección fronteiriza (PIF) de Alxeciras, segundo explicou a armadora marinense María José Pazo.
Os funcionarios non deron abasto para realizar os exames sanitarios a todos os camións de pescada negra que chegaron ata as instalacións. No entanto, conseguiron superar as probas dous tráileres cargados, cuxa mercancía se puxo onte a poxa na lonxa de Cádiz.
Durante a fin de semana, os inspectores rexeitaron o peixe que traían tres camións -uno deles cheo de palometa capturado por un barco de Ribeira-, que quedaran retidos na fronteira de Mauritania, onde grupos de persoas se apostaban en protesta por algo que aínda non teñen moi claro os armadores das once embarcacións galegas que faenan no caladoiro mauritano.
Aínda que o paso polo Sahara está agora aberto, os armadores galegos confésanse «desgastados» tras sete meses denunciando os problemas e reclamando solucións sen que ningunha das Administracións háxalles atendido e teñen poucas ganas de volver a esas augas. Algúns, como De Pazo, xa solicitou licenza para faenar en Marrocos. Outros tres barcos xa amarraran antes de que se producise o último peche na fronteira -que se prolongou por máis de dez días- e os demais tamén se expoñen probar en caladoiros alternativos ou o amarre.
Os armadores sopesan reclamar responsabilidade patrimonial á Administración, pola súa ineficacia en sete meses de conflito.