Condenado un veciño de Ribeira de Piquín por cobrar a pensión da súa irmá morta
RIBEIRA DE PIQUÍN
O home percibiu uns 200 euros ao mes durante 16 anos, devolveu o diñeiro e impúxoselle unha pena de seis meses de prisión
07 feb 2020 . Actualizado ás 18:11 h.Un veciño do municipio de Ribeira de Piquín foi condenado a seis meses de prisión por cobrar a pensión da súa irmá cando esta xa morrera. Durante 16 anos, de 1999 ao 2015, percibiu ao mes uns 200 euros. Despois, con todo, devolveu á Seguridade Social o diñeiro cobrado (máis de 33.000 euros), achegando el directamente unha gran parte desa cantidade (25.000 euros) e transferindo o resto polo banco.
Eses detalles foron confirmados pola súa avogada no xuízo que se celebrou esta mañá no Xulgado do Penal número 1 de Lugo. O acusado, de avanzada idade, aceptou unha pena de seis meses de prisión, aínda que non entrará en prisión ao carecer de antecedentes penais.
