Vendeuse un décimo en cada municipio e cada agraciado recibirá 6.000 euros
22 dic 2019 . Actualizado ás 11:45 h.O quinto premio do sorteo extraordinaria de Nadal, 06293, deixa un belisco de fortuna en Rábade e Guitiriz. Vendéronse dous décimos, un en cada local, e o premio está dotado coa cantidade de 6.000 euros.
Na Cafetería Brétema de Rábade, Paula Castro explica que é a primeira vez que reparten un premio do sorteo. «Por fin, estou cansa de que me chamen gafe!», explica. E é que aínda que descoñecen quen puido ser a persoa afortunada, están moi contentos de ter sido «a man que repartiu a sorte para alguén».
Na administración O Milenio de Ouro, en Guitiriz, vendeuse outro Quinto Premio. «Empezamos en marzo porque cambiamos de titular, e estamos a agardar a ver se vén algo máis. Leste era de máquina», conta Pablo, que é o sobriño do anterior propietario da administración, a duras penas porque continúan os problemas de luz na provincia de Lugo causados polo temporal.
