Outeiro de Rei dixitaliza o seu arquivo municipal cun obradoiro de emprego
OUTEIRO DE REI
Os alumnos elaboran mobiliario urbano de madeira en Castro de Rei e melloran lugares públicos en Cospeito
08 mares 2021 . Actualizado ás 21:14 h.O Concello de Outeiro de Rei terá proximamente un arquivo municipal dixitalizado. O traballo é levado a cabo por alumnos do Obradoiro de Emprego Santa Isabel IV, no que tamén están integrados Castro de Rei e Cospeito. A actividade no arquivo de Outeiro de Rei inclúe tamén a creación dunha base de datos, co que o acceso á documentación será máis doado.
Nos outros dous municipios realízanse traballos diferentes. Os alumnos de Outeiro de Rei están a elaborar mobiliario de madeira (cadeiras, bancos e papeleiras) que se colocarán en diferentes espazos públicos, así como cubertas de madeira para colectores de lixo. En Cospeito, pola súa banda, os alumnos dedícanse á mellora de varias rúas e prazas en dous núcleos, Feira do Monte e Muimenta. No módulo de Outeiro de Rei hai seis alumnos; no de Castro de Rei, sete, e no de Cospeito, outros sete.
O obradoiro, cun período de formación de nove meses, conta cunha achega da Xunta de 347.000 euros. O delegado territorial da Xunta en Lugo, Javier Arias, visitou este luns o obradoiro.