Plan Paradai, A Tinería, Ronda Leste ou San Fernando seguen pendentes de informes e vontade política
22 oct 2021 . Actualizado ás 05:00 h.No proxecto de Orzamentos da Xunta para o 2022 séguense rexistrando proxectos e partidas que levan anos escritas negro sobre branco pero que logo á hora da verdade non se abriu unha gabia.
plan paradai
Os habituais 500.000 euros. Hai 21 anos o Concello, a Deputación e a Xunta decidiron que era o momento de unir os barrios de Paradai e As Gándaras, que a vía do tren dividira. Aquel plan arrincou e fixéronse obras de envergadura ata que todo se paralizou. Xunta e Concello acusáronse de non avanzar, enfrascados no problema da cesión de terreos ou na falta de vontade. Ademais, polo medio estaba a Confederación, (antes do PP agora do PSOE) aínda que Concello e Hidrográfica xa selaron un acordo. Sexa como for, volven a aparecen os eternos 500.000 euros, unha cantidade que nunca se chegou a executar nos últimos anos. Todo está tamén a expensas de como se desenvolvan as obras da Intermodal e o cambio que se acometerá na Praza de Conde Fontao.
patrimonio na tinería
Á espera de informes. A Xunta leva anos orzando e dicindo que ten proxectos para licitar inmobles da Tinería peros que non pode actuar porque necesita informes municipais. Por exemplo, na Casa dá Torre, onde irá a sede da Asociación de Hostaleiros, cuxas obras ten licitadas por medio millón de euros pero segue agardando por un informe de enxeñería do Concello. Ou os catro millóns para urbanizar e rehabilitar o pazo de Doa Urraca e a súa contorna, á espera da modificación do Pepri e da cesión de inmobles. No citado pazo irá unha sede do CGAC que leva tres anos con 25.000 euros no orzamento.
rolda leste
Redáctase o proxecto. A Ronda Leste terá 300.000 euros para o 2022, ano no que debería estar acabada a redacción do proxecto, licitada este verán, coa intención de comezar as obras no 2023. A Xunta anuncia 3 millóns para ese ano; 7 para o 2024 e 9 para o 2025. É unha das vías máis demandadas por veciños e Administracións de Lugo.
as ausencias
Nin San Fernando nin saneamento. Hai anos que a Xunta se desentendió de construír un museo da romanización no cuartel. Fixo unha proposta como Parador pero foi rexeitada política e socialmente na cidade. O Concello, antes da pandemia, decidiu que ía acometer a obra, buscando financiamento con programas do Estado. Aínda así, antes ou despois, a Xunta terá que intervir porque o edificio é BIC e, ademais, as pezas arqueolóxicas son da súa propiedade. Por outra banda, outro ano máis o municipio de Lugo non recibe diñeiro para o saneamento das súas parroquias.
