Inicio das festas de verán en Rábade e diversas actividades en Baleira
11 ago 2021 . Actualizado ás 22:53 h.Tarde e Tardiña, en Lugo
«Tarde e tardiña» volverá facerse coa tarde dos xoves unha semana máis. O ciclo de espectáculos para público familiar e adulto trasladará hoxe á Canella do Hospital os espectáculos Kaldi, de Maintomano e Lírica Piringalla, de Lois Pérez, Lito Pereira e Loita Panorama. O primeiro deles, pensado para todos os públicos, terá lugar ás seis e media da tarde. Máis cara á noite, ás nove, será a quenda dos maiores, que gozarán dunha velada poética.
onde: canella do hospital
a que hora: 18.30 e 21.00
Día cheo de actividades, en Baleira
O concello ofrece hoxe un programa de actividades que se encadran dentro do plan «Cultura non camiño». As propostas estenderanse ao longo de todo o día cunha programación que comezará xa pola mañá co pasacalle «Troula», ás 13.00. Ás 17.30, A súa.MA, o espectáculo creado polas artistas galegas Sue Moreno e María Move situarase na Praza do Concello, ofrecendo unha actividade que combina danza e circo. Ás 18.30, volverá haber un pasacalle, neste caso a cargo de «Pulpiño Viascón». O folclore tradicional galego porá fin á xornada coa actuación dos músicos Suso Vaamonde e Xosé LoisRomero , que darán un concerto ás 20.30 no Centro Sociocultural. A entrada será libre ata completar as capacidades determinadas pola situación sanitaria.
onde: praza do concello e centro sociocultural
a que hora: 13.00, 17.30, 18.30 e 20.30
Comezo das festas, en Rábade
Rábade dará comezo hoxe ás súas festas de verán cunha proxección de cine para todos os públicos que se situará na Praza de España (Prazuela). O filme seleccionado será «A Galiña Turuleca», que se emitirá ás dez da noite.
onde: praza de españa
a que hora: 22.00